cвобода снова

2008-03-04T17:52:02Z

1 марта случилось известное событие. будет ли продолжение, никто не знает.
а какова ситуация с медиапространством?
тв - все на одной стороне.
для доступа практически закрыты все основные оппозиционные сайты - аравот, армянское время, а1+, лрагир.
информационная насыщенность в армянских жж тоже не радует: будь то потомственный кагэбэшник ahousekeeper aka ахуескипер, что глумится над памятью восьми жертв, или же враг всего степанакертского - Слон ака Пих.
так что проблема информационного прорыва к народу и мировому сообществу остается.
постараемся проанализировать, паэтому со следующей записи перехожу на армянский.
персонажей уровня "хаварович-маварович" прошу не беспокоиться.

Ժառանգություն կուսակցության հայտարարությունը

2008-03-04T17:44:42Z

1 մարտի 2008թ.

Ժառանգություն¦ կուսակցությունը խստագույնս դատապարտում է ս.թ. մարտի 1-ի առավոտյան Ազատության հրապարակում տեղի ունեցած դեպքերը եւ դրանց հետ կապված հետագա զարգացումները: Մենք անթույլատրելի ենք համարում խաղաղ նստացույցի մասնակիցների հանդեպ կատարված բռնությունները, որոնք ոստիկանության կողմից աննախադեպ դաժանությամբ շարունակվեցին արդեն ՀՀ-ում Ֆրանսիայի դեսպանատան առջեւ հավաքված խաղաղ ցուցարարների նկատմամբ: Ազգային ժողովի Ժառանգություն¦ խմբակցության պատգամավորներ Անահիտ Բախշյանը, Ստեփան Սաֆարյանը, Արմեն Մարտիրոսյանը, Զարուհի Փոստանջյանը եւ Վարդան Խաչատրյանը, որոնք գտնվում էին դեպքի վայրում, կանգնեցին ժողովրդի եւ ոստիկանության միջեւ` փորձելով սթափեցնել իրականության զգացողությունը կորցրած օրենքի պահապաններին¦:

Դրվատելի են զսպվածության, սադրանքների չենթարկվելու` ժողովրդի կամքն ու պատրաստակամությունը այն իրադրությունում, երբ ակնհայտորեն ցուցարարների մեջ իշխանությունների կողմից ներդրված բազմաթիվ սադրիչներ կամ գաղտնի գործակալներ ամեն կերպ ջանում են հրահրել ոստիկանության հետ բախումներ, որոնք, սակայն, կանխում են ժողովրդի, Լեւոն Տեր-Պետրոսյանի շտաբի եւ Ժառանգության¦ ներկայացուցիչները: Նման սադրանքի փորձ էր քաղաքացիական հագուստներով մի խումբ անձանց կողմից Երեւանի քաղաքապետարանի առջեւ փոխգնդապետի կոչում ունեցող ոստիկանին դաժանաբար ծեծելու միջադեպը, որը կանխեց Ժառանգությունից¦ ԱԺ պատգամավոր Արմեն Մարտիրոսյանը: Պատգամավորը ստիպված էր սեփական մարմնով փակել ոստիկանին, որից հետո սադրիչներից մեկը հետեւից դանակահարեց նրան ու դիմեց փախուստի: Մարտիրոսյանը տեղափոխվեց շտապօգնության 3-րդ հիվանդանոց, ուր նրան ցույց տրվեց անհետաձգելի վիրաբուժական օգնություն:

Բազմաթիվ ականատեսների վկայությամբ` դանակահարությունից առաջ սադրիչ խմբի անդամներից մեկը բղավում էր. §էս էն դեպուտատն ա, որ Սերժին հարց էր տալիս¦: Ըստ էության` լավագույնս նախապատրաստված նման կարգի սադրանքները մեծ վտանգ են ներկայացնում, եւ չի բացառվում դրանք կրկնությունը: Ուստի §Ժառանգությունը¦ եւս մեկ անգամ զգոնության կոչ է անում ցույցի մասնակիցներին` հորդորելով պահպանել հանդարտություն ու չենթարկվել սադրանքների: Ակնբախ է, որ իշխանությունների վերահսկողության տակ գտնվող հեռուստաընկերությունները` մոնտաժելով Արմեն Մարտիրոսյանի հարցազրույցը, միջադեպը ներկայացնում են §ծուռ հայելու¦ մեջ` այնպես, կարծես ցուցարարներն են դանակահարել նրան: Այսինքն` հող է նախապատրաստվում ցուցարարների հանդեպ նոր ապօրինություններ ու բռնություններ գործադրելու համար:

Մենք վճռականորեն դատապարտում ենք նաեւ ժողովրդի դեմ սանձազերծված գործողությունների մեջ Հայաստանի սահմանները պաշտպանելու համար կոչված ՀՀ ազգային բանակի ներքաշումը եւ երիտասարդ զինվորականների օգտագործումը որպես կենդանի վահան:

Մենք ցնցված ենք այն փաստից, որ առանց շտապ բուժօգնություն ստանալու ուղղակի ձերբակալվում եւ ոստիկանատուն են տարվում բազմաթիվ վիրավոր քաղաքացիներ, այդ թվում արնածոր վերքերով անչափահասներ: Այսօր ժամը 9.00-ի սահմաններում ՀՀ ոստիկանության Կենտրոն բաժանմունքի առջեւ նմանօրինակ դեպքերի ականատես եղան ԱԺ Ժառանգություն¦ խմբակցության պատգամավորները:

Ժառանգությունն¦ արձանագրում է, որ իշխանությունների հանցավոր գործողությունները բնույթով սադրիչ են եւ միտված են իրավիճակի հետագա շիկացմանը: Գտնում ենք, որ վերը շարադրված ապօրինությունները հղի են անկանխատեսելի հետեւանքներով, որոնց համար ողջ պատասխանատվությունն ընկնում է գործող իշխանությունների վրա: Պահանջում ենք սթափ գնահատել եւ զերծ մնալ մեր երիտասարդ պետականության հիմքերը սասանող, երկրի` առանց այդ էլ խաթարված միջազգային հեղինակությունը ստվերող գործողություններից, անհապաղ դադարեցնել խաղաղ ցուցարարների հանդեպ կիրառվող զանգվածային բռնությունները:

1 մարտի 2008թ.
ք. Երեւան
http://www.heritage.am/pr/010308-1arm.htm

hyeoppozicioner

cвобода снова

Ժառանգություն կուսակցության հայտարարությունը